外幣點唱先係最抵?

今日小斯想同大家分享下點樣換外幣係最抵，如果大家有更抵既方法既，歡迎大家同我分享！

首先，換外幣既方法分別有幾種。

最抵方法１：去中環百年換

百年匯率：http://bcel1985.blogspot.hk/ （請睇WE SELL 賣出參考價）

好處：咩幣都有, RATE又OK

壞處：百年排隊排到嘔，所以建議大家朝早打過去留佐錢先，然後再過去拎，咁就唔使排咁耐。

沒有預留貨幣：請在星期一至五下午三時三十分前，星期六上午十一時三十分前交易
已預留之貨幣：
－　不可取消及更改(數目不能加減)
－　必須於致電兩個小時後即日下午2時前到取,
－　一時正後已預留之貨幣，請於四時半後六時前到取   (星期六不適用）

*記得拎收據，因為如果要claim保險係需要張收據黎證明個exchange rate（每次交易首張單據免手續費, 其後每張收取港幣十元正）

*每次交易為港幣十二萬或以上,請出示地址證明及身份証

除左百年，九龍區仲有尖沙咀堅成：

堅成匯率：http://www.ksme.hk/index_hk.html

最抵方法2：先用EBANKING換好錢, 再去銀行拎外幣

好處：匯率靚，可以用到TT Rate（電匯價)，又方便，上個網就可以換，就咁CHECK返邊間銀行有錢拎就可以直接去拎
壞處：要有EBANKING同埋外幣戶口先可以做到，但如果係高級戶口（Preferred banking以上個D），會有點子優惠，個 匯率仲會再靚D；同埋唔係隻隻貨幣都有，因為台幣、泰銖、印尼盾個D冇。而且每日係外幣戶口提取外幣都有上限，如果換大額外幣，就必須分幾日提取，請注 意！

匯率如下:
HSBC：https://www.hsbc.com.hk/1/2/chinese/hk/investments/mkt-info/fcy
Hang Seng：http://bank.hangseng.com/1/2/chi/rates/foreign-currency-tt-exchange-rates
中銀：http://services1.aastocks.com/WEB/BCHK/BOCHK/mktinfo.aspx?BCHKLanguage=chi&pagetype=public

小斯只係俾D大銀行大家參考，因為始終大銀行多D分行易拎錢D！

而根據呢個一個網址http://hk.ttrate.com/zh_hk/?c=JPY，可以見到Rate最靚既係：（只係大約，因為每一刻都變緊）包括：
– 富邦
– 創興
– 大新
– 交通
– 恆生

所以淨係大行黎講，用恆生唱就會比較方便同抵，反而匯豐呢D個exchange rate就勁貴！所以我會以恆生ebanking做例子：

1. 入到去ebanking之後，禁外幣/黃金，然後就禁存入我的恆生戶口，然後揀返要換既幣值，例如今次換yen既就揀JPY Saving。然後下面既金額就揀返想換幾多，揀港紙既即係代表想將某個數量既港紙轉做yen；調返轉揀yen既話就係目標換咁多咁多yen，就會自動同 你用返相對既港紙去對到你目標想換既yen數量。

2. 禁佐同意之後，去到下一頁睇下金額個到，就會見到當時既exchange rate，因為我打post個陣已經係深宵收佐市，所以睇唔到exchange rate。再按確定，港紙就會扣佐，yen紙就會入佐大家戶口。

然後第二日就先打去某分行到問睇下有冇yen既現鈔先，有既話就可以去果個分行到拎啦！

小知識：電匯價，簡稱 TT 價，T.T. 全名為 Telegraphic Transfer，意思即係電匯，係一間公司通過銀行（匯款行）將款項匯予（收款行）存入收款人帳戶（另一間公司或者自己公司於另一銀行既戶口都可能 會），係付款的一種方法，（下刪Ｎ萬字）總知就係比現鈔價平。

結論：我比較過百年同銀行既TT rate，其實兩者都係好抵差唔多，無話特別邊邊一定高D咁，difference都係在於你用邊間銀行，但其實實則上落唔大。所以用邊種方法就視乎邊種方法方便大家。

第2比較抵方法：去到當地禁

好處：見到PLUS或者銀聯就可以禁錢，又唔使去銀行換，而且銀聯RATE都係靚既，但當然冇TT rate同百年rate咁靚
壞處：宜家間間銀行都轉晒晶片卡，仲要冇佐PLUS，去外國禁錢無咁方便，而且有D機仲唔SUPPORT新既晶片卡好麻煩；仲有，小斯建議大家唔好用PLUS個制式黎禁，因為PLUS個手續費好貴

補充：
1. 銀聯卡唔係到到都禁到，有D銀聯ATM機係傻既，我係歐洲試過好多次
2. 禁錢要收手續費，銀聯一般收$15 – $25一次，Plus/Circus會收1.95%
3. 係海外用Citibank ATM Card用Citibank ATM機禁錢可以免手續費，同埋rate都唔錯，都係個句，但冇TT rate咁抵
4. 用銀聯卡提款，有一點要留意，就係外地提款機，好時時淨係可以係提款卡既主戶口 (即係卡面號碼既戶口) 提款，並唔支援選擇其他戶口提款，所以去外地前應先轉賬到主戶口，或者以 ebanking 係提款前過數，確保主戶口有足夠結餘提款，正因為呢個原因，用VISA/Master 信用卡並唔適合於外地提款, 原因係銀行會當你用信用卡做現金透支，咁你返到香港就又要搞一大餐

結論：去到禁一定係冇上述個兩種方法咁抵，但換來既係方便

超唔抵方法：去當地／機場找換店換
超唔抵！又有手續費，唯一好處係你用剩佐既錢多數係可以以同樣既exchange rate去換返俾佢。

以小斯既經驗, 去唔同既國家就應該用唔同既方法唱外幣：
大陸：去中銀用TT RATE換, 我覺得係最靚既。當然找換店仲平，但你敢唔敢？人仔黎架喎-_-

台灣：去到用銀聯卡禁！好靚又方便！

日本：去銀行用TT RATE or 係百年唱定先去！禁錢貴好多！

歐洲：用TT RATE or 係百年唱定先去，宜家好多地方冇得用銀聯禁錢，用PLUS禁好貴！

英國：用TT RATE or 係百年唱定去，不過去到用LINK或銀聯禁個價都OK

韓國：去到用銀聯卡禁，靚RATE！同百年差唔係好多！／去明洞唱

泰國：係百年唱定先去，但fans們說Superich亦唔錯！歡迎分享！
Superich – 曼谷有兩間Superich，有橙色（數間）同一間綠色，大家都在Chitlom Big C後面， 呢兩間都係最抵！而橙色另外個幾間係BTS或大型商場分店既，就RATE無Big C後面個間咁好

馬來西亞：係百年唱定先去／去到當地找換地唱

如果大家仲有咩地點點唱錢係最抵既，歡迎同小斯分享啊：)

Source: https://flyformiles.flyday.hk/408